Të punojmë së bashku me matriale ricikluese

Të punojmë së bashku me matriale ricikluese

Lodrat e shumta, shtrejtësia e tyre dhe llojllojshmëria janë më të paktat që na duhen në kohën e izolimit.

Qëllimi jonë gjatë periudhës së izolimit po e arrin cakun e vet dalngadalë duke i vetëdijësuar prindërit për kohën kualitative se si kalohet me fëmijët si dhe për rëndësinë e kreativitetit.

Plani i përpiluar nga profesionistët e qendrës duke përfshirë hap pas hapi të gjitha sferat e zhvillimit në fëmijëri, po ndahet me edukatoret të cilat më pas po i ndajnë me gjithë prindërit e grupeve të tyre. Jo vetëm fëmijët por edhe prindërit janë mëse të kënaqur me llojllojshmërinë e aktiviteteve të cilat po i ofrohen atyre të detajizuara me të shkruar dhe me fotografi. Kënaqësia është e dyanshme fëmijë të kënaqur dhe prindër të kënaqur.

Funksionalizimi i materialeve shtëpijake dhe të riciklueshme po bën barazimin social duke pasur çdo familje mundësinë të realizojë aktivitete me fëmijët e tyre.

Përdorimi i materialeve ricikluese dobinë më të madhe e ofron në fushën e kreativitetit të fëmijëve, duke i mundësuar hapsirën për të krijuar për vete gjërat nga imagjinata e tyre e bujshme. Lodrat shumë ngjyrëshe të gatshme nxisin stimulimin por kufizojnë kreativitetin, Prandaj i gjithë plani i punës në shtëpi është përgatitur në këtë drejtim dhe po e arrin shumë mirë qëllimin.